Если подойти к краю озера, утки начинают плыть к вам, даже с другого берега. Уток вообще с каждым годом всё больше. Снимки сделаны вчера
 

Фото: 

 Кожны шчучынец не раз любаваўся прыгожым будынкам клуба, што па вуліцы Астроўскага. Ён знаходзіцца каля возера і з'яўляецца адной з мясцовых славутасцей. У Беларусі гэтая пабудова вядома як помнік архітэктуры рэспубліканскага значэння. 

Доўгі час лічылася, што гісторыя Шчучынскага палацу добра вядома. Але ў 1993 годзе ў польскай гістарычнай літаратуры з'явіліся новыя дадзеныя пра шчучынскі палац, якія значна пашыраюць нашы веды аб ім. Гэтая інфармацыя зыходзіць ад дзяцей апошняй уладальніцы Шчучына княгіні Марыі Друцк-Любецкай (1868-1939). Яе сын Ян і дачка Яніна Друцк-Любецкія зараз жывуць у Нью-Йорку і прадставілі польскім навукоўцам новыя звесткі аб Шчучынскім палацу, зрэшты не толькі аб ім. 

Ва ўсёй даступнай літаратуры, прысвечанай Шчучынскаму палацу, указваецца, што ён быў пабудаваны ў другой палове XVIII стагоддзя архітэктарам дэ Фленерсам у парку садавода Ст. Юндзіла. Належаў палац падскарбію літоўскаму Шчуку. 

Гэта адначасова і так, і не так. 

Па-першае, падскарбі літоўскі Шчука ўвогуле міфічная фігура. Апошні з роду Шчукаў памёр у 1725 годзе і не мог жыць у другой палове XVIII стагоддзя. Да таго ж ніколі ніводны Шчука не займаў пасады падскарбія літоўскага. Каб упэўніцца ў гэтым дастаткова паглядзець любы генеалагічны даведнік ці энцыклапедыю XIX стагоддзя. 

Па-другое, сучасны палац пабудаваны значна пазней, у канцы XIX стагоддзя. На месцы захаваўшагася да сённяшняга дня палацу ў другой палове XVIII стагоддзя стаяў яго папярэднік. Гэта быў палац Сцыпіёнаў, якія валодалі Шчучынам у XVIII стагоддзі. 3 1742 года Сцыпіёны вялі ў мястэчку вялікае будаўніцтва. Акрамя палацу яны пабудавалі шпіталь, прыют, калегіум піяраў, шэраг адміністрацыйных і гаспадарчых пабудоў. Рэшткі іх можна было бачыць яшчэ ў 1939 годзе. Але да сённяшняга дня невядома, як выглядаў палац і іншыя пабудовы Сцыпіёнаў.